Presentación do Programa OUTRO LADO Igualdade nas TIC

Para a planificación deste programa, démonos conta de que as TIC son unha potentísima ferramenta de visibilización e comunicación.

Coa nosa mirada de xénero planeamos as TIC como unha ferramenta estratéxica de visibilidade, para concienciar, sensibilizar e transformarnos nunha sociedade máis igualitaria.

Unha parte fundamental deste programa que estamos a levar a cabo é este Blog Outro Lado dende o que os estamos a escribir. Que pretende ser un espazo alternativo onde se visibilice o traballo en prol da igualdade de oportunidades e en contra da violencia de xénero que se leva a cabo dende a nosa Área, así como a creación de redes de persoas e institución que están levando a su experiencia e as súas reflexións relativas a igualdade de oportunidades ao mundo 2.0.

No mesmo acto de presentación  instamos ao alumnado do centro educativo a participar no Concurso Fotográfico “Implícate” na Igualdade, que organizamos en colaboración coa Asociación de Empresarios de Promoción Turística de Camariñas,  a través das redes sociais, e que comezou o día 15 e que chegará ata o día 14 de abril. Levarase a cabo a través do Facebook e do Instagram da Area de Igualdade. Haberá dúas modalidades de participación, unha para maiores de idade e outra para persoas de 14 a 17 anos ámbolos dous incluídos.

O obxectivo do concurso non é outro que premiar as instantáneas que mellor transmitan a necesidade dunha sociedade onde a igualdade entre mulleres e homes sexa unha realidade.

Para completar o programa e facer posible esa visibilización da que falamos creamos os nosos propios perfís nas Redes Sociais:

• Facebook   (facebook.com/igualdade.camarinas)
• Twitter  (@MullerCamarinas)
• Instagram (@outrolado)

Parécenos un programa moi ambicioso pero a vez estamos moi ledos e confiamos na participación da cidadanía e de que sexa un motivo de creación de novas redes e alianzas entre persoas comprometidas na igualdade de oportunidades. En fin, activismo e traballo en rede e na rede.

Animádevos a participar e a crear redes pola Igualdade!!!!!!

O obxectivo non é outro que visibilizar a igualdade de oportunidades por medio das fotografías que mellor transmitan a necesidade dunha sociedade mais xusta.

A temática por suposto será a igualdade de oportunidades e como axuda e alento para a inspiración utilizaremos a frase de Boutros Ghali “Agora máis que nunca, a causa da muller é a causa de toda a humanidade”

O concurso comeza hoxe día 15 de marzo e se prolongará ata o día 14 de abril.

As fotografías poderán estar realizadas en calquera ámbito xeográfico, con plena liberdade para editalas como prefiran as persoas participantes. O medio de participación serán as redes sociais como Facebook ( facebook.com/igualdade.camarinas) e Instagram (@outrolado).

Contamos con dúas modalidades de concurso, unha, que será a modalidade A, de 18 anos ou máis e a modalidade B para persoas con idades comprendidas entre os 14 e 17 anos. Estes últimos para participar deberán contar con autorización do/a tutor/a legal. A organización poderá comprobar esta autorización en calquera momento.

Contaremos con dous premios as mellores fotografías para a modalidade A e cun premio a mellor fotografía na modalidade B.

Para máis información deixámosvos o enlace dás BASES, na web www.camarinas.net , facebook.com/igualdade.camarinas e muller.ssociais@camarinas.net.

Anímate co teu móbil ou coa túa cámara de fotos e comparte en Facebook e en Instagram a túa creatividade.

IMPLÍCATE COA IGUALDADE!!!!!!!!!

Este blog nace co desexo de ser precisamente outro lado, un  espazo alternativo que  sexa unha ferramenta de visibilización, concienciación e sensibilización, que axude a converternos nunha sociedade máis igualitaria.

Aquí poderemos visibilizar os escenarios da exclusión, as persoas protagonistas e as súas causas. Poderemos analizar os estereotipos e os roles de xénero que tanto dano fan a mulleres e homes. Coñeceremos  outros modelos de muller, outros roles diferentes aos tradicionais. Desexamos sexa un espazo que sirva para visibilizar a mulleres independentes, autónomas, poderosa ou non, pero visibles por elas mesmas.

A través deste blog tamén visibilizaremos outros modelos de masculinidade alleos aos tradicionais existentes que defenden a necesidade de vivir a condición masculina dende a defensa dunhas relacións igualitarias coas mulleres.

Mostraremos iniciativas e boas prácticas e fomentaremos a creación e ampliación de redes con persoas afíns e convencidas da necesidade de acadar a igualdade de oportunidades.

De seguido, comezamos!!!